പഞ്ചഗുസ്തി ഗോൾഡ് മെഡൽ ജേതാവിന് ലോക മത്സരത്തിൽ പങ്കെടുക്കാൻ പണമില്ല
ന്യൂനപക്ഷ വകുപ്പ് മന്ത്രിക്കു മുന്നിൽ വിഷയം അവതരിപ്പിച്ചപ്പോൾ കല്യാണം, അസുഖം വീട് എന്നിവയ്ക്കു മാത്രം സഹായം നൽകുമെന്നായിരുന്നു മറുപടി. ഹിജാബ് ധരിച്ച് മത്സരത്തിൽ പങ്കെടുക്കുന്ന തനിക്കെതിരെ ഭീഷണി ഉണ്ടായിട്ടുണ്ട്. ഫാഷൻ ഷോയിൽ പങ്കെടുത്തപ്പോൾ അതു കൂടതലായി. എന്നാൽ എല്ലാ വിലക്കുകളും മറികടന്ന് കായിക ലോകത്തേക്ക് ഹിജാബ് ധരിച്ച് എത്തിയ കരുത്തുറ്റ വനിതയെ പ്രോൽസാഹിപ്പിക്കാൻ സർക്കാർ പോലും തയ്യാറാവാത്ത സാഹചര്യമാണുള്ളത്.
വടകരയിലെ സാധാരണ മുസ്ലീം കുടുംബത്തിൽ നിന്ന് കായിക മേഖലയിലെ അഭിമാനതാരമായി വളരുന്ന തനിക്ക് സ്വന്തം സംസ്ഥാനത്തു നിന്നു പോലും പ്രോത്സാഹനവും സഹായവും ലഭിക്കാത്തത് വേദനയുണ്ടാക്കുന്നുവെന്ന് മജിസിയ പറയുന്നു.
മൂന്നു തവണ സ്ട്രോംഗ് വുമണായും അഞ്ചു തവണ കോഴിക്കോട് ജില്ലയിലെ സ്ടോംഗ് വുമണായും തിരഞ്ഞെടുക്കപ്പെട്ടിട്ടുണ്ട് ഈ കോഴിക്കോടുകാരി. ഏഷ്യൻ പവർ ലിഫ്റ്റിംഗ് ചാമ്പ്യൻഷിപ്പ്, ദേശീയ അൺ എക്യുപ്ഡ് ചാമ്പ്യൻഷിപ്പ്, ഏഷ്യൻ ക്ലാസിക് പവർ ലിഫ്റ്റിംഗ് എന്നിവയിൽ വെള്ളിമെഡൽ നേടിയിട്ടുണ്ട്. പവർ ലിഫ്റ്റിംഗിലെ നേട്ടങ്ങൾക്കു പിറകെയാണ് പഞ്ചഗുസ്തിയും തനിക്ക് വഴങ്ങുമെന്ന് തെളിയിച്ചത്.
