പ്രതിഷേധം; കെ.എസ്.യു നാളെ സംസ്ഥാന വ്യാപകമായി പഠിപ്പുമുടക്കും

കെ.എസ്.യു നാളെ സംസ്ഥാന വ്യാപകമായി പഠിപ്പുമുടക്കും. തിരുവനന്തപുരത്ത് പ്രവര്‍ത്തകര്‍ക്ക് നേരെയുണ്ടായ പൊലീസ് അതിക്രമത്തിനെതിരെയാണ് പ്രതിഷേധം. പരിയാരം മെഡിക്കൽ കോളജ് ഫീസ് കുറയ്ക്കുക ,ജെസ്നയുടെ തിരോധാനം സി ബി ഐ അന്വേഷിക്കുക തുടങ്ങിയ ആവശ്യങ്ങൾ ഉന്നയിച്ച് കെ എസ് യു നടത്തിയ സെക്രട്ടേറിയറ്റ് മാർച്ചിൽ സംഘർഷം .

ലാത്തി ചാർജിൽ സംസ്ഥാന പ്രസിഡണ്ട് കെ എം അഭിജിത്ത് ജനറൽ സെക്രട്ടറി നെബീൽ കല്ലമ്പലം എന്നിവരുൾപ്പടെ 12 പേർക്ക് പരുക്കേറ്റു .കല്ലേറിൽ ഒരു പൊലീസുകാരനും പരുക്കുണ്ട് .ഉമ്മൻ ചാണ്ടി മാർച്ച് ഉദ്ഘാടനം ചെയ്ത് പോയതിന് പിന്നാലെയായിരുന്നു സംഘർഷം . ബാരിക്കേഡ് മറികടന്ന് അകത്തേക്ക് കടക്കാൻ ശ്രമിച്ച പ്രവർത്തകർക്ക് നേരെ പൊലീസ് ജലപീരങ്കി പ്രയോഗിച്ചു .എന്നിട്ടും പിരിഞ്ഞു പോകാഞ്ഞതോടെയാണ് പൊലീസ് ലാത്തി വീശിയത്